Rodrigo Ramos lanza 'Subiote', un poema musicado de Neira Vilas
Esta nova canción vén acompañada dun fermoso vídeo realizado por David Fidalgo.
- Música con versos de Rosalía en Madrid para premiar ao arquitecto Álvaro Siza
- Rodrigo Ramos colabora con Guadi Galego no adianto do seu novo disco
Por Galicia Confidencial | SANTIAGO DE COMPOSTELA | 07/11/2020 | Actualizada ás 11:00
O músico Rodrigo Ramos achega un segundo adianto do seu terceiro álbum logo de presentar o seu primeiro single "Polvo y escarcha": Agora, Ramos lanza "Subiote", un poema musicado do escritor Xosé Neira Vilas, "un tema íntimo con carácter pop folk que evoca aires do rural", segundo explica.
Esta nova canción está acompañada por un videoclip de animación realizado polo director nomeado aos Premios Goya, David Fidalgo Omil; e representa, segundo palabras do propio Ramos, unha metáfora sobre o percorrido da música pola paisaxe galega.
A gravación tivo lugar no estudo Planta Sónica e foi producido por Pancho Suárez. Ademais, os músicos que participan neste proxecto xunto con Ramos son Iago Fernández, Ale, Paula Rouco e Antón Torroncho. Ata este momento, Rodrigo Ramos xa leva publicados outros dous discos: "Mirabas Almas" 2017 e "Sol de Invierno" 2019.
