Feijóo convértese no branco das críticas por "mentir" sobre o número de rastrexadores
O baile de cifras protagonizado polo goberno galego vén de recibir duros ataques da oposición.
Por Galicia Confidencial | SANTIAGO DE COMPOSTELA | 13/11/2020 | Actualizada ás 09:35
Tropezo da Xunta de Galicia cos rastrexadores. Logo de afirmar o presidente Núñez Feijóo que Galicia contaba con arredor de 6.000 destes postos -presumindo de ser a comunidade mellor dotada-, o líder do goberno galego recoñece finalmente que, en realidade, a cifra real descende a 700.
As contradiccións da Xunta de Galicia, acrecentadas horas despois polas declaracións do Conselleiro de Sanidade Julio García Comesaña, foron contestadas con dureza pola oposición. Da bancada do Bloque xurdiron acusacións de ter creado un "relato fraudulento", por parte de Montse Prado. No caso dos socialistas, foi o voceiro Gonzalo Caballero quen cargou contra a "política de escurantismo" do presidente da Xunta, á par que o urxiu a "reforzar" o sistema de rastrexo con vistas a reducir contaxios.
O baile de cifras protagonizado pola Xunta tamén vén de converterse en motivo de crítica nas redes sociais, onde políticos e tuiteiros están a verquer as súas mostras de indignación contra as "mentiras" do presidente.
En maio había 20 rastrexadores. Un mes despois 6018, e éramos a comunidade con máis rastrexadores por habitante. Agora Feijóo di que hai 700. Á vez, o Conselleiro de Sanidade insiste en que non se pode saber o número porque "rastrexador" non é unha categoría profesional. pic.twitter.com/XWKpaacCNi
— Julián Bustelo Abuín (@julian_bustelo_) November 12, 2020
Obviamente @FeijooGalicia MENTIU cando dixo no Parlamento de Galicia que había 6152 rastrexadores. Minte agora cando di que hai 700? Probablemente: sabemos que hai 180 militares e pode haber outros 50-100 subcontratados a unha empresa nunha nave de Bergondo. Onde está o resto?
— Pablo Arangüena (@PabloAranguena) November 12, 2020
Primeiro eran 20 rastrexadores, logo 50. Un mes despois 6.000. Logo non se podía saber o número. A Xunta negouse a dar cifra algunha porque rastrexar non é unha categoría profesional segundo o conselleiro e hoxe din que son 700. Dentro de tres días será outra cousa e tan pichis.
— Olalla Rodil (@orodil) November 11, 2020
Feijóo dixo no seu dia q en Galiza había 6.000 rastrexadores/as... non o cría nin el. Hoxe no Parlamento admitiu que son 700... No caso de ser certa esa 2ª cifra, como mínimo, Feijóo mentiulle a todos os galegos e galegas. Cousa fea nun presidente. Imperdoábel cun tema tan serio.
— Rubén Cela (@rubencela) November 11, 2020
Semella que en Galicia comporta máis riscos ser rastrexador ca percebeiro:
— Fabián Pérez (@Fabian10_) November 11, 2020
-Xullo, Feijóo: "Temos máis de 6.000 rastrexadores"
-Novembro, Feijóo: "Temos 700 rastrexadores"
🤦♂️
