Por E.P. | Santiago de Compostela | 13/11/2020 | Actualizada ás 10:13
O índice de prezos de consumo (IPC) subiu un 0,8% en outubro en relación con setembro, pero a taxa anual encadeou o seu oitavo dato en negativo, no -0,7%, máis do dobre que a caída do mes anterior (-0,3%), segundo os datos que publica este venres o Instituto Nacional de Estatística (INE).
No que vai deste 2020 marcado pola crise do coronavirus, os prezos na comunidade galega acumulan un descenso algo maior, en concreto do 0,9%. O IPC anual é sobre todo negativo en transporte (-5,2%), vivenda (-4,8%) e comunicacións (-4,2%). Pola contra, é positiva en alimentación (+2,8%). Mensualmente, respecto de setembro, os prezos creceron especialmente en vestido e calzado (+12,2%), mentres caeron un 3,1% en comunicacións.
DATOS ESTATAIS
No conxunto estatal, o IPC subiu un 0,5% en outubro en relación ao mes anterior e incrementou de golpe catro décimas o seu descenso interanual, ata o -0,8%. No entanto, a caída é menor á que previra o Instituto Nacional de Estatística (INE) a finais do mes pasado, cando avanzou un retroceso do IPC de cinco décimas, ata o -0,9%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.