Chegan as vacinas a Galicia: Así será o plan de vacinación da Xunta contra a covid

Galicia recibirá o vindeiro luns a segunda entrega de vacinas cunhas 18.000 doses que, no entanto, non poderán ser usadas ata o martes debido aos prazos para desconxerlarse e así ser fornecidas.

Diso informou a Consellería de Sanidade nun comunicado emitido tras o Consello Interterritorial do Sistema Nacional de Saúde no que se deu luz verde ao envío inicial de dose de vacina contra a covid-19 ás comunidades autónomas para que inicien as súas campañas de vacinación.

Neste primeiro envío Galicia recibe 500 dose que servirán para inaugurar o vindeiro domingo a campaña de vacinación nun centro residencial da área de Santiago aínda por concretar, como xa avanzara o presidente da Xunta, Alberto Núñez Feijóo, nunha rolda de prensa este mediodía.

No entanto, o conselleiro de Sanidade, Julio García Comesaña, criticou o número de doses que chegarán a Galicia o domingo e que, di, non serán suficientes "para empezar a campaña de vacinación segundo o previsto". E é que a Administración autonómica anunciara a súa intención de iniciar a campaña de forma simultánea en residencias do sete áreas sanitarias de Galicia.

ALMACENAXE E DISTRIBUCIÓN

As vacinas que reciba Galicia serán almacenadas a unha temperatura de entre -80 e -60 graos nun único ultraconxelador en Santiago, onde permanecerán controladas, con grupo electróxeno propio e seguimento continuo de temperatura. A esta temperatura e sen luz poden conservarse un máximo de seis meses.

Desde este punto, diariamente, serán trasladadas nun furgón adaptado as doses que vaian utilizarse, nunha primeira fase nas residencias de anciáns, das que se fará unha programación diaria. As vacinas irán nunha caixa isotérmica que as manterá a entre 2 e 8 graos de temperatura, co que tardarán un tres horas en desconxelarse.

Con este procedemento e a esta temperatura, segundo explicaron os expertos, as vacinas poden conservarse ata un máximo de cinco días sen reconstituir e seis horas sen degradarse unha vez reconstituidas.

Á súa chegada a cada centro residencial, o equipo de enfermeiras que se encargará da súa administración controlará a súa correcta recepción, así como que o medidor electrónico de temperatura indica que permaneceron sempre a entre dous e oito graos. En total, espérase que o tempo de transporte desde o almacén central aos distintos puntos de vacinación non supere as tres horas.

Persoal de enfermaría fornece unha vacina | Fonte: EUROPA PRESS - Arquivo