Por Europa Press / Redacción | SANTIAGO DE COMPOSTELA | 05/02/2021 | Actualizada ás 11:28
As familias e empresas que se declararon en concurso de acredores (suspensión de pagos e quebras) ante a imposibilidade de afrontar os seus pagos e débedas sumaron 312 en 2020 en Galicia, cifra un 9,57% inferior á de 2019. No entanto, no último trimestre do ano pasado, o número de debedores concursados aumentou un 11,11% en relación ao mesmo trimestre do ano anterior.
De acordo cos datos que publica este venres o Instituto Nacional de Estatística (INE), as empresas e familias en concurso subiron un 57,14% no cuartro trimestre respecto ao terceiro.
Eses 110 debedores concursados repartíronse entre 103 procesos voluntarios e sete necesarios. Dous realizárono polo procedemento ordinario e 108 polo abreviado. Para ningún deles existía proposta anticipada. Do total, 52 correspondéronse con persoas físicas sen actividade empresarial e as restantes, con empresas: 12 persoas físicas, dúas sociedades anónimas, 42 sociedades responsabilidades limitadas e dúas doutro tipo.
Por sectores, 15 dedicábanse á construción, 10 eran do comercio, catro de transporte e almacenamento e outro catro de hostalaría.
TODO 2020
No conxunto do ano, a distribución foi a seguinte: 294 procesos voluntarios fronte a 18 necesarios, sete ordinarios e 305 abreviados e 311 sen proposta anticipada fronte a un que si a tiña. Do total, 109 eran persoas sen actividade empresarial, fronte ás empresas: 39 persoas físicas, 10 sociedades anónimas, 149 sociedades de responsabilidade limitada e cinco doutro tipo.
Mentres, por actividade principal, 37 eran empresas da construción, 55 do comercio, 14 de transporte e almacenamento e 10 da hostalaría.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.