A semana pecha con 212 falecidos por covid, a peor cifra desde o inicio da pandemia

A Coruña, Santiago e Vigo concentran os mortos da covid este domingo.

Por Galicia Confidencial | A Coruña | 07/02/2021 | Actualizada ás 21:08

Comparte esta noticia

O Sergas anunciou este domingo o falecemento de 17 novas persoas pola covid. Unha cifra que suma 212 mortes nunha semana, a peor cifra desde o inicio da pandemia e que deixa, polo momento, 1.967 falecidos.

Sanitarios nunha ambulancia trasladando a pacientes covid dunha residencia a un hospital
Sanitarios nunha ambulancia trasladando a pacientes covid dunha residencia a un hospital | Fonte: Santi Alvite

De feito, esta mesma semana Galicia superou o récord de mortos nesta crise sanitaria ao chegar aos 40. Unha cifra elevadísima que se mantivo varias días por riba das 30 vítimas. Este domingo, e como acontece nas últimas semanas, a Xunta comunicou que os falecidos tiveron lugar en distintos días, desde o 4 de febreiro ata o 7.

E, como nos últimos días, a provincia da Coruña, e especialmente, a área sanitaria da cidade herculina segue sendo a máis afectada, seguida de Santiago e Vigo. Na Coruña faleceron cinco persoas; en Santiago, catro e en Vigo, tres. Na área sanitaria de Ourense foron dous os mortos, igual que na de Lugo e un na de Ferrol. Todos tiña patoloxías previas e cinco deles eran usuarios de residencias.

Esta é a lista do Sergas:

Día 4 de febrero:
Muller de 89 anos, no Chus. Procedía da Residencia San José de Arzúa.

Dia 5 de febreiro:
Home de 98 anos, no Chuvi.

Dia 6 de febreiro:
Home de 74 anos, no Chuf.
Muller de 97 anos, no Chuvi.
Home de 92 anos, na Residencia Domus VI Carballo.
Muller de 89 anos, na Residencia Domus VI Carballo.
Home de 88 anos, no Chuac.
Muller de 99 anos, no Hospital Modelo da Coruña.
Home de 89 anos, no Chuo. Procedía da Residencia Quercus de Leiro.
Home de 67 anos, no Hospital de Verín.
Home de 90 anos, no Chuvi.
Home de 72 anos, no Chus.
Home de 89 anos, no Hula.

Día 7 de febreiro:
Home de 82 anos, no Chuac.
Home de 75 anos, no Chus.
Home de 79 anos, no Chus.
Home de 87 anos, no Hula. Procedía da Residencia de Sarria.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta