Erradicados case 17.000 niños de velutinas no 2020

O Consello da Xunta deu este xoves o visto e prace ao proxecto de acordo polo que a empresa pública de Servizos Galegos (Seaga) sexa a encargada de executar tamén este ano o programa galego de vixilancia e control fronte á vespa velutina para a súa erradicación en colaboración cos concellos. O orzamento da encomenda para este ano ascende a 1,7 millóns de euros destinados á execución dos traballos. 

En total, ata o momento 300 municipios galegos, o 96% do total, confirmaron a súa adhesiónao Plan de loita contra esta especie acordado entre a Xunta e a Federación Galega de Municipios e Provincias (Fegamp). Deles, 285 concellos xa se uniran o ano pasado e os 15

restantes amosaron a súa disposición para sumarse neste exercicio.

No marco deste programa, a Xunta actuou en 2020 en 285 concellos e o operativo de Seaga encargado da encomenda retirou 16.700 niños: 8.640 deles na provincia da Coruña, máis de 2.000 na de Lugo, máis de 1.300 en Ourense e case 5.000 na de Pontevedra.

A Xunta potenciará tamén o portal da internet “Eido local” como canle de

comunicación permanente coas entidades locais de Galicia para dar información actualizada

sobre as actuacións, así como a información relativa á xestión de todos os avisos de niños

de vespa velutina recibidos polo 012 respecto do seu ámbito territorial.

Pola súa parte, os concellos que se adhiran a este programa asumirán o compromiso de

coordinarse coa Xunta na retirada de niños de forma que os concellos, por requirimento da

Administración autonómica, prestarán a súa colaboración realizando as actuacións

necesarias para simplificar e facilitar os labores de retirada e eliminación de niños de vespa

velutina.

Tamén está previsto neste programa a actuación dos servizos de emerxencias cando se

trate de niños de velutinas tipificados como de risco no Centro de Atención ás Emerxencias

(CIAE) 112 Galicia unha vez derivados desde o 012.