Por Europa Press / Redacción | SANTIAGO DE COMPOSTELA | 10/03/2021 | Actualizada ás 11:16
Os nacementos en Galicia descenderon un 17,8% en xaneiro deste ano en relación ao mesmo mes de 2020 ata situarse en 1.065 fronte aos 1.295 contabilizados o ano pasado, segundo os datos que publica este mércores o Instituto Nacional de Estatística (INE). A caída destas cifras viría a confirmar as predicións de diversos expertos con respecto aos efectos da pandemia sobre o xa grave problema demográfico de Galicia.
A influencia da pandemia apréciase en que, se comparemos os datos de xaneiro con decembro de 2020 a variación é mínima xa que ese mes foron contabilizados contabilizaron 1.063 nacementos. Este dato, con todo, tamén supón un descenso respecto de decembro de 2019 cando o número de nacementos se stiuou en 1.219. A nivel estatal, en decembro de 2020 só naceron 23.226 nenos, o que supuxo un 20,4% menos que no mesmo mes de 2019 e o valor mínimo nun mes desde que comezou a serie estatística do INE, no ano 1941.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.