362 propostas de sanción en Lugo e Pontevedra na última semana por incumprimentos das restricións

A Policía Nacional e a Garda Civil elevaron unhas 362 propostas de sanción nas provincias de Lugo e Pontevedra na última semana derivados de diversos controis e dispositivos para verificar o cumprimento das medidas e restricións pola covid-19.

Na provincia de Lugo realizáronse 599 controis e 685 inspeccións a establecementos de hostalaría, como parte dun dispositivo conformado por 1.192 axentes. En concreto, identificáronse 6.522 persoas, controláronse 5.484 vehículos e formuláronse 151 propostas de sanción.

No caso da provincia de Pontevedra, realizáronse 1.852 dispositivos de control e vixilancia sanitaria a cargo 1.809 axentes, coa identificación de 5.845 persoas, o control de 3.514 vehículos e un total de 211 propostas de sanción.

Así mesmo, leváronse a cabo 1.661 inspeccións en establecementos hostaleiros e interpuxéronse 37 sancións.

O delegado do Goberno en Galicia, José Miñones, fixo un chamamento este mércores á poboación a manter a prudencia ante a pandemia, con motivo da reunión do Comité de Coordinación (CECOR) galego.

Neste sentido, considerou fundamental que os galegos continúen respectando as restricións e medidas como o uso de máscara e que non se relaxen nas precaucións adoptadas ata o momento.

Miñones constatou o alto nivel de cumprimento das medidas por parte dos cidadáns, pero reiterou a importancia de manter a prudencia e evitar "baixar a garda" ante a covid-19, asegurando que manterá a colaboración coa Xunta para facer cumprir as restricións.

SANTIAGO

Doutra banda, a Policía Local de Santiago elevou este martes sete propostas de sanción por non levar máscara e dúas por saltarse o peche perimetral.

Así mesmo, identificáronse a tres persoas e eleváronse propostas de sanción por atoparse en festas en piso, aínda que unicamente se acudiu a un domicilio.