Galicia inclúe a Andalucía, Aragón, Castela e León e A Rioxa entre os territorios de rexistro obrigatorio

Sae Asturias da lista e incorpórase a nivel europeo Liechtenstein e Xeorxia tras a retirada de Albania, Dinamarca, Finlandia, Malta e Noruega.

Por Europa Press / Redacción | SANTIAGO DE COMPOSTELA | 20/04/2021 | Actualizada ás 12:05

Comparte esta noticia

A Dirección Xeral de Saúde Pública actualizou este martes a listaxe de territorios que os viaxeiros deben notificar á Xunta á súa chegada a Galicia, que suman, dentro de España, Andalucía, Aragón, Castela e León e A Rioxa, á vez que se retira Asturias.

Con iso, as persoas que cheguen á comunidade están obrigadas a notificar se nos 14 días anteriores estiveron en Andalucía, Aragón, Castela e León, Cataluña, Madrid, Navarra, País Vasco ou  A Rioxa, así como nas cidades autónomas de Ceuta e Melilla.

No que respecta a Europa, os territorios redúcense a 38, coa incorporación de Liechtenstein e Xeorxia e a retirada de Albania, Dinamarca, Finlandia, Malta e Noruega. Así, a listaxe queda como segue: Acerbaixán, Alemaña, Andorra, Armenia, Austria, Bélxica, Bosnia-Herzegovina, Bulgaria, Chipre, Croacia, Estonia, Eslovaquia, Eslovenia, Francia, Grecia, Holanda, Hungría, Illa de Man, Italia, Kósovo, Letonia, Liechtenstein, Lituania, Luxemburgo, Macedonia do Norte, Moldavia, Mónaco, Montenegro, Polonia, República Checa, Romanía, San Mariño, Serbia, Suecia, Suíza, Turquía, Ucraína e Xeorxia.

Tamén debe comunicar a súa chegada calquera visitante procedente do continente africano. En América, os estados de notificación obrigatoria mantéñense en 23, coa saída de Antigua e Barbuda e Turcos e Caicos e a incorporación de Canadá e Colombia. Deste xeito, o DOG establece que son de comunicación obrigatoria: Arxentina, Aruba, Bermudas, Bonaire, Brasil, Canadá, Chile, Colombia, Curazao, Ecuador, Estados Unidos, O Salvador, Guatemala, Honduras, Paraguai, Perú, Porto Rico, Venezuela, Haití, Xamaica, Nicaragua, República Dominicana e Uruguai.

A listaxe de Asia redúcese a 27 estados, tras suprimir Israel, Kazajstan e Kyrguistan: Bangladesh, Bahrein, Emiratos Árabes Unidos, India, Irán, Iraq, Kuwait, Líbano, Maldivas, Omán, Qatar, Palestina, Filipinas, Afganistán, Bután, Brunei, Cambodia, Indonesia, Laos, Mongolia, Myanmar, Nepal, Paquistán, Siria, Tailandia, Iemen e Xordania. En oceanía, deben comunicar a súa chegada a Galicia os procedentes de Wallis e Futuna.

Todas as persoas que cheguen a Galicia desde estes lugares, ou que estivesen neles nos últimos 14 días, deberán cubrir o formulario habilitado na web do Servizo Galego de Saúde (Sergas) ou ben comunicalo ao teléfono 881 00 20 21 no prazo das 24 horas.

Unha pasaxeira camiña polas instalacións da T4 do Aeroporto Adolfo Suárez Madrid-Barajas
Unha pasaxeira camiña polas instalacións da T4 do Aeroporto Adolfo Suárez Madrid-Barajas | Fonte: Ricardo Rubio - Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta