Marc Anthony apraza o seu concerto en Santiago ao 19 de xuño de 2022
O cantante volve reprogramar os concertos da súa xira española pola situación sanitaria.
Por Europa Press / Redacción | Barcelona | 04/05/2021 | Actualizada ás 19:44
O cantante Marc Anthony volveu a reprogramar os concertos da súa xira española a xuño e xullo de 2022 ante a situación sanitaria e as restricións derivadas, informaron nun comunicado este martes as promotoras Planet Events e Live Nation.
A xira por España comezará o 17 de xuño de 2022 no RCDE Stadium de Barcelona e seguirá o 19 no Monte do Gozo de Santiago de Compostela, o 21 en IFEMA de Madrid, o 23 no Estadio Olímpico de Sevilla, o 25 no Marenostrum de Fuengirola, o 29 no Estadio Carlos Tartiere de Oviedo, o 1 de xullo en Marina Sur de Valencia, o 2 na Fica de Murcia e acabará o 4 de xullo no Chiclana Concert Music Festival.
As entradas adquiridas para as datas da xira que se aprazaron en 2020 e posteriormente en 2021 serán válidas para as novas datas nas respectivas cidades.
