O enfrentamento entre Vicepresidencia e a Consellería da Presidencia
O pasado xoves tivo lugar en dependencias de San Caetano unha discusión protagonizada polo secretario xeral da Vicepresidencia, Antón Losada, e o Subdirector Xeral de Construccións da Consellería de Presidencia...
Por Galicia Confidencial | Galicia | 14/02/2007 | Actualizada ás 22:18
"Gustaríame comentarvos un altercado do que fun testigo o xoves pasado na xunta, a cargo do Ilustrísimo Antonio Losada.
Estaba un currito onde están os xardins interiores, perto de onde se celebran os Consellos de Goberno, quitando uns rótulos que o S.X. de Vicepresidencia mandara poñer o día anterior, onde aparecía reflectida a estampa en grandes letras de Vicepresidencia.
Pero resulta que nas dependencias hai uns despachos que pertencen á Subdirección Xeral de Construccións da Consellería de Presidencia (Romeu).
Enton Losada acercase ao traballador, que esta subido a unhas escaleiras e lle pregunta que está a facer (estaba rascando o rótulo) e que quen lle mandara. O individuo sinala abaixo e di: "foron estos".
Recoñecín ao Subdirector Xeral de Construccións da Consellería de Presidencia, e creo que estaba cun xefe de servizo.
Nese momento Antonio Losada empeza a BERRAR, completamente encolerizado, dicindo frase do sentido de "Usted non sabe con quen está falando.."
Insulta, berra e manda chamar ao comisario da Xunta. Cando chega o Policía, dille: "DETENGA A ESTES DOUS!!!!", "FORA DA XUNTA".... etc, etc. Todo isto diante de bastante xente. O espectaculo foi lamentable, absolutamente reprochable".
O que se relata nesta mensaxe foi ratificado por varias persoas máis e por fontes da Presidencia da Xunta. Dende este departamento denuncian os xeitos de Antón Losada para cos traballadores da Xunta.
Tamén dende a consellería de Méndez Romeu criticaron o trato de Losada cara ós funcionarios e cara á propia Policía, o que provocou aintervención do propio conselleiro da Presidencia. Nembargantes, non quixeron confirmar se o Subdirector Xeral de Construccións da Consellería de Presidencia chegou a presentar unha denuncia xudicial contra o secretario xeral da Vicepresidencia, que posteriormente retirou, tal e como sinalaron outras fontes a este medio
Por outra banda, dende a Vicepresidencia confirmaron que existiu un pequeno incidente debido o "exceso de celo" do departamento que dirixe Méndez Romeu. Segundo nos contaron, o malentendido xa foi totalmente aclarado e xurdiu porque a Consellería de Presidencia pretendía modificar os carteis da Vicepresidencia (incluindo da Igualdade e do Benestar), sen ter consultado antes con este departamento. En todo caso, puntualizaron que se tratou dun feito normal dentro das relacións que hai entre as distintas consellerías.
