Detectan un positivo de COVID durante un cribado realizado a mozos en Cerdedo-Cotobade

O cribado poboacional realizado polo Sergas este mércores en Cerdedo-Cotobade a persoas de entre 20 e 39 anos detectou un caso de coronavirus.

Fontes da área sanitaria de Pontevedra e O Salnés detallaron que acudiron a realizarse a PCR 334 persoas das 668 citadas, o que supuxo unha participación do 50%. Así, detectouse un caso de covid-19, o que representou unha positividad do 0,3%.

Paralelamente, este mércores levaron a cabo dous cribados nos centros educativos San Xoán Bautista e Carballedo da localidade nos que participaron 124 das 149 persoas convocadas.

As mesmas fontes precisaron que nos cribados realizados nestes colexios non se detectou ningún caso de covid-19.