Por Europa Press / Redacción | Ferrol | 18/05/2021 | Actualizada ás 19:36
A Confederación de Empresarios de Ferrolterra, Eume e Ortegal (Cofer) expresa o seu apoio á eólica mariña como sector de futuro e estratéxico no desenvolvemento comarcal das próximas décadas. Así o destaca o presidente de Cofer, Cristóbal Dobarro, que remarca que esta área xa foi determinante no seu momento para recuperar carga de traballo no estaleiro de Navantia Fene a través de proxectos de colaboración público-privada entre o grupo público e Windar Renovables.
Dobarro subliñou o compromiso co medio ambiente no desenvolvemento da eólica mariña, por canto a tecnoloxía dispoñible na actualidade permite asegurar a creación de parques offshore sen que xeren "ningún dano ou incidencia".
"Non falamos de parques que se vaian instalar na mesma costa, senón a unha distancia que os faga inapreciables desde o continente", di o presidente de Cofer.
A aposta pola eólica mariña, conclúen os empresarios ferroláns, ten sentido dentro do proceso de transición enerxética cara a enerxías limpas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.