A campaña da nécora e a lagosta comeza este xoves
O horario de lance de nasa de nécora e camarón será diúrno salvo nas rías de Arousa e Vigo.
Por Europa Press / Redacción | SANTIAGO DE COMPOSTELA | 29/06/2021 | Actualizada ás 18:33
A campaña extractiva da nécora e o bogavante comeza este xoves, 1 de xullo, segundo publica este martes o Diario Oficial de Galicia (DOG). A captura da nécora prolongarase ata o 5 de xaneiro de 2022, mentres que a do bogavante estará autorizada ata o 31 de marzo de 2022, informa a Consellería do Mar.
Estas medidas de xestión para a explotación de nécora están recollidas no plan experimental para a súa xestión xunto á do camarón, no marco do Plan Xeral de Explotación Marisqueira 2021-2023.
Na resolución na que se aproba o plan fíxanse cuestións como o número de nasas permitidas segundo o tamaño da embarcación e o número de tripulantes a bordo.
Tamén se marca o horario de lance de nasa nécora e camarón, que será nocturno salvo algunhas excepcións nas rías de Arousa e Vigo, nas que o calado de nasas tamén poderá ser diúrno. Os dous horarios --diúrno e nocturno-- serán excluíntes entre si.
As nasas para a captura de nécora e camarón deberán ser levadas a porto diariamente unha vez se cumpra o horario de traballo.
En 2022, a veda da nécora irá do 6 de xaneiro ao 30 de xuño, mentres que a prohibición de captura de bogavante estenderase do 1 de abril ao 30 de xuño.
