Estabilizado o incendio forestal de Vilar de Barrio tras queimar 20 hectáreas

O lume iniciouse na noite deste domingo.

Por E.P. | SANTIAGO DE COMPOSTELA | 16/08/2021 | Actualizada ás 11:09

Comparte esta noticia

O tráfico ferroviario entre Zamora e Ourense recuperou a normalidade tras o corte ao que obrigou a proximidade dun incendio forestal en Vilar de Barrio, que afectou a tres trens Alvia que conectan Madrid con Galicia. En concreto, o corte produciuse entre Vilar de Barrio e Laza-Cerdedelo, segundo informan fontes de Renfe consultadas por Europa Press. O incendio forestal quedou estabilizado ás 13,49 horas tras queimar unhas 20 hectáreas de superficie, segundo informa a Consellería de Medio Rural.

O lume iniciouse ás 22,35 horas do domingo e no seu control participaron ata o momento cinco axentes, 19 brigadas, seis motobombas, dúas pas e tres helicópteros.

Desde as 8 ás 10,15 horas provocou a interrupción do tráfico ferroviario e afectou a ese tres Alvia entre Madrid e Galicia: o que vai de Ferrol a Madrid-Chamartín, que rexistrou 81 minutos de atraso; o que vai de Pontevedra a Chamartín (140 minutos de atraso) e o de Chamartín a Vigo, que unicamente estivo catro minutos detido.

Imaxe de arquivo dun incendio forestal en Folgoso do Courel
Imaxe de arquivo dun incendio forestal en Folgoso do Courel | Fonte: Carlos Castro - Europa Press.

Segundo informa a Consellería de Medio Rural, o lume iniciouse ás 22,35 horas e afectou a unhas 20 hectáreas de superficie arrasada polas chamas. No seu control levan participado ata agora catro axentes, 12 brigadas, catro motobombas e dúas pas. Pola súa banda, a Axencia Galega de Emerxencias achegou un camión cisterna que se encargará de abastecer de auga ás motobombas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta