Escindidos da CIG constituén a sección sindical da CUT en Citröen

Entre eles está Vitor Manuel Mariño, anterior membro da Executiva Comarcal da CIG en Vigo e Eladio Bastos, tamén ex membro do Comité de Empresa por este mesmo sindicato.

Por Galicia Confidencial | Vigo | 12/01/2014 | Actualizada ás 10:00

A Central Unitaria de Traballadores (CUT) xa ten unha nova Sección Sindical e, ademais, nunha das empresas máis importantes de Galicia; a empresa Citroën.

Foi este venres cando se presentou ante a OPR (Oficina Publica de Rexistro) da Xunta de Galicia, unha comunicación escrita da renovación da constitución desta sección sindical. Tamén xa foi rexistrado a súa constitución perante a Empresa e o Comité de Empresa.

Como responsables da mesma figuran como Secretario Xeral Vitor Manuel Mariño Fernandez, anterior membro da Executiva Comarcal da CIG en Vigo así como da Sección Sindical neste centro de traballo, expulsado da CIG por diferenzas coa cupula da dirección do sindicato. E como Delegado Sindical está Eladio Bastos Covelo, un ex-membro do Comite de Empresa, Executiva, e Consello da Sección Sindical na CIG en PSA.

Conformada por membros do sector crítico da CIG

Os novos membros que forman parte da nova Sección Sindical da C.U.T son ex-membros do sector critico da C.I.G, así como un terzo dos membros do Consello da Sección Sindical da C.I.G en PSA neste centro de traballo, xunto cos delegados que tamén tiñan un expediente aberto e revogados polo sindicato do seu cargo. "Tamén están membros do sector critico en Citroën, que unha vez tiveron constancia da expulsión de Vitor Mariño decidiron xunto con mais afiliados/as darse de baixa en bloque na C.I.G", suliña esta sección sindical da CUT nun comunicado.

"Xunto cos estes compañeiros deronse de baixa desta organización distintos delegados/as de diferentes empresas, asi como afiliados/as, polo que consideran unha persecución ideoloxica sindical, donde prevalecen criterios de afinidade politica fronte os que non queren un sindicato politizado e correa de transmisión de ningun partido politico", denuncia.

A nova formación sindical neste centro de traballo, que celebrara eleccións sindicais este ano, aspira a presentar unha candidatura ao Comite de Empresa. "Será plural, participativa e combativa ante os retrocesos e perdidas de dereitos que se estan dando no sector do automobil", apunta.

8 Budi

É necesario ter coñecemento de causa para poder opinar. Cando unha organización expulsa a un dos seus membros, seguro que ten os seus motivos. O feito de que estas persoas se organicen unha vez que non poden seguir no sindicato que lles deu a coñecer, ten que ser algo normal. Que se integren nun sindicato sen representación no comité de empresa, forma parte da leberdade de elección, mais que a persoa que foi electa na candidatura da CIG, non debolva o acta de Comité de empresa só ten un nome "tránsfuguismo", e ten tanto delito quen o que se vai, como quen o acolle. Por certo, ollo cos líderes que van de puros, que todos temos un pasado, e o que hoxe pinta roxo, onte puido ser amarelo...

7 AIRE FRESCO

A cuta non nace agora en citroen, xa existía antes nesta fabrica, pero nas suas filas non existen liberados nin reciben subencions. Que poder tan oscurio teran estes compañeiros/as o presentarse pola CUT, seguramente ca connotacion que teñen estas siglas a nivel sindical, político e independentismo, non creo que a empresa lles poña una alfronbra vermella como teñen os demais sindicatos. 20 anos sen un conflito laboral nesta empresa, algo estará pasando. Normal que se escriban estas cousas, seguramente persoas que ben como o seu estatus e comodidade peligra. O meu respeto quen dende a onestidade e lealdade, e resalto eses sous valores, son acapaces de presentarse neste ou noutro centro de traballo con estas siglas. Na sua espalda colocaran una diana, e o seu posto de traballo pode perigar, e moi fácil criticar dende o poder sindical cando o teu salario depende das cotas dos afiliados e das discursos de sectas de captación de incocentes....

1 quenTeQueiraQueTeCompre

Menudas bobadas que non cres nin ti... pensas que todo o mundo bebe da sopa boba esa que non parades de repetir para enganar a catro iluminados? anda non me godas!

6 DousTelediarios

A este paso vai rematar Cañita Brava de secretario xeral da CUT...

5 CAXO

Mais sindicatos...ok. Vale, e pregunto eu: vides para vivir ben ou para defender a xente? é bastante raro que teñades tanto interese en ser sindicalistas na citroen. o tempo falará, oxalá me esté equivocando pero non é normal que algúns delegados teñan coñecementos cero sobre lexislación laboral ou como interpretar os convenios e acordos. o que miramos nos é que prevalece o voso interese personal antes que os do colectivo. e que mirades sempre primeiro polo vosa estabilidade e sobre todo por non traballar. o problema mais grande que temos nestes intres é o comité de empresa, estes tipos fan sin consensuar nada co obreiro. fan o que lles peta. (dende o amarillo hasta todolos demais)

4 choupa

eu o que digo e que xa esta ben de tanta tonteria de firmar todo de meternola doblada xa esta ben, non se pode vender un colectivo de persoas que estan representados por sindicatos que dicen ser de clase o que non pode ser e que entre quen entre que faga como os demais entonces apaga e vamonos , porque estar no poder por vivir ben mal vamos , que e o que esta pasando na factoria de vigo que todo vale . sindicatos reprensentades a persoas non o porco do cortello non se olvidar porfavor, e facer as cousiñas ben que e polo ben de todos, que agora ben outro sindicato ben me parece ben pero non fagades o parviño que o tempo corre e o mal e para nos os traballadores de pico e pala, para estar como estamos non queremos mais . non queremos sindicalistas vividores queremos sindicalistas que fagan a vida mais facil a xente non facer que a conta nosa vivades ben , un saudo e se e para ben moita sorte