Por E.P. | Santiago de Compostela | 18/08/2021 | Actualizada ás 19:49
A Xunta destinou 30.000 euros para enviar 360.000 xiringas para vacinar contra o covid-19 en Cuba, unha acción na que a Administración autonómica colabora coa Asociación Solidariedade para o Desenvolvemento e a Paz.
Este convenio, encadrado na Estratexia de resposta á pandemia de covid-19 da Cooperación Galega, permitirá o envío destes equipos ao país caribeño, onde se fornecerán as vacinas desenvolvidas por Cuba no Instituto Finlay e o Centro de Enxeñaría Xenética e Biotecnoloxía.
O acordo entre a Xunta e Sodepaz forma parte do plan anual para a copeeración galega, que dispón dunha dotación orzamentaria este ano de 7,4 millóns de euros, un 12% máis que en 2020.
Pola súa banda, Sodepaz, unha organización independente que ten sede en Galicia desde o ano 1994, traballa desde hai tres décadas en Cuba.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.