O portorriqueño Rauw Alejandro actuará o 15 de outubro no Coliseum da Coruña

O artista portorriqueño Rauw Alejandro actuará o 15 de outubro no Coliseum da Coruña, segundo informa o consistorio que enmarca este concerto na programación de "grandes xiras".

As entradas sairán á venda o próximo 8 de setembro a través da web do coliseum; no despacho de tickets da praza de Ourense e na web www.boombasticfestival.com.

O consistorio precisa que se aplicará o protocolo de prevención fronte á Covid-19. Así, as entradas de concerto serán nominais e o público estará sentado en localidades mantendo a distancia de seguridade.

Rauw Alejandro. CONCELLO DA CORUÑA | Fonte: Europa Press