A Infanta Elena visita o Real Club Náutico de Sanxenxo durante o "Xacobeo 6mR Europeans"
As probas comezaron ás doce da mañá.
Por E.P. | SANTIAGO DE COMPOSTELA | 15/09/2021 | Actualizada ás 19:53
O Real Club Náutico de Sanxenxo (RCNS) recibiu a visita da Infanta Elena durante a segunda xornada de regatas do 'Xacobeo 6mR Europeans'. Á súa chegada ao club, acompañada do presidente Pedro Campos, a infanta dirixiuse cara á zona dos pantaláns nos que está amarrada a frota para saudar e desexar sorte ás tripulacións que se atopan disputando o título continental na ría de Pontevedra.
Así mesmo, co inicio das probas do día programado para as 12:00 horas, dona Elena embarcouse a bordo dunha das neumáticas do RCNS para saír a ver a regata.
Así mesmo, as máis de 20 empresas certificadas por Galicia Calidade participan no 'Village de Galicia Calidade', un espazo creado no Real Club Náutico de Sanxenxo no que os regatistas e participantes no Xacobeo 6mR Europeans degustan diversos produtos avalados con este selo de garantía.
