Por Europa Press / Redacción | Santiago de Compostela | 22/09/2021 | Actualizada ás 17:24
O Parlamento galego aprobou este mércores unha proposta para demandar ao Goberno central que a Xunta estea representada na comisión nacional para a conmemoración do 50 aniversario da morte de Pablo Picasso.
A iniciativa, formulada polo PP, logrou a unanimidade de todos os grupos parlamentarios, e que acordaron ademais instar o Goberno galego a organizar unha programación adecuada con motivo desta efeméride en colaboración con entidades públicas e privadas.
O deputado José Luís Ferro lembrou que Galicia é o lugar no que o artista "desenvolveu por primeira vez as súas aptitudes para á pintura" e onde mostrou os seus primeiros traballos, no ano 1895. "Parécenos adecuado que o Goberno de España coordine esa efeméride, pero tamén consideramos imprescindible que a Xunta poida estar representada nesa comisión", incidiu, en alusión a este órgano creado polo Executivo central o pasado ano para abordar esta conmemoración.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.