Por Europa Press / Redacción | SANTIAGO DE COMPOSTELA | 05/10/2021 | Actualizada ás 15:37
O aspirante á Secretaría Xeral do PSdeG, Valentín González Formoso, replicou ao seu adversario nas primarias a liderar o partido, Gonzalo Caballero, que "ser de dereitas é permitir que o PP goberne nas institucións".
"A miña traxectoria é precisamente a contraria", apostilou o tamén presidente da Diptuación e alcalde das Pontes, que respondeu así a Caballero despois de que este o acusase de actuar en "convivencia" co popular Alberto Núñez Feijóo e de representar un proxecto "conservador" para a organización.
O responsable provincial fixo estas declaracións en Lugo, municipio que visitou este martes, día de San Froilán, acompañado pola rexedora da cidade e compañeira de partido, Lara Méndez, quen apelou a "sumar dentro" do PSdeG para "sumar despois fose" e lograr alcanzar as institucións.
Preguntado polas palabras de Caballero, o aspirante a facerse coa Secretaría Xeral negou que represente unha opción de "dereitas" para o Partido Socialista. "Ser de dereitas neste país é permitir que o PP goberne. A miña traxectoria é precisamente a contraria", aseverou Formoso en Lugo, un lugar que, segundo incidiu, é "un emblema de que os socialistas saben gañarlle á dereita".
Nesta liña, defendeu como aval das súas declaracións os resultados obtidos nas últimas eleccións municipais na provincia da Coruña. "Por primeira vez en democracia, ostentamos máis alcaldíaas que o PP a pesar dos agoreiros que dicían que A Coruña era territorio o PP. E son os mesmos agoreiros que agora din que somos (PSdeG) terceira forza porque en Galicia ten que gobernar o PP", remarcou.
O responsable provincial dos socialistas coruñeses remarcou que é preciso "entender" e "atender" Galicia, cuestións que debe asumir o PSOE desde a dirección galega para "xerar ilusión" e "non resignarse a ser terceira forza".
"Os galegos non son do PP", sentenciou Formoso, que se apoiou nos resultados logrados nas xerais de 2019, cando o PSOE logrou ser primeira forza, ou nas municipais dese mesmo ano, no que alcanzaron o goberno de tres do catro deputacións e obtiveron 111 alcaldías.
A continuación, o candidato remarcou que "as mesmas" persoas que depositaron a súa confianza no PSOE en xenerais e municipais de 2019 "votaron maioritariamente ao PP" nas autonómicas do verán de 2020, nas que os socialistas, con Caballero á cabeza, qudaron relegados a terceira forza. "A cidadanía ten que ver que a organización ten vida, é dinámica e é capaz de facer autocrítica e reaccionar ante unha mensaxe tan rotunda como o que enviou hai un ano", sentenciou.
PORTA ABERTA AO "TALENTO", COMO BESTEIRO
Tamén se referiu, a preguntas dos xornalistas, a unha hipotética volta ao primeiro plano da organización do exsecretario xeral José Ramón Gómez Besteiro, quen, para Formoso, é "un amgio persoal que foi tratado inxustificadamente".
"É unha percepción unánime, xa non dentro do partido, senón na sociedade galega. Despuntaba politicamente e houbo unha clarísima estratexia de tombalo por vías que non son democráticas", incidiu o presidente provincial, que considera que o partido non pode ter "cicatrices permanentes".
"Ninguén que non saiba cicatrizar feridas pode ostentar a representación máxima do partido", aseverou antes de subliñar que o Partido Socialista necesita "reter" e "captar" talento para chegar á cidadanía.
"É un compañeiro máis, todos os compañeiros con talento teñen a obrigación de achegar e terán a capacidade de participar", sinalou Formoso cuestionado sobre se entre esas persoas atópase Besteiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.