O Supremo confirma as penas a cinco galegos que tentaron introducir cocaína oculta en colectores de peixe
Por E.P. | Santiago de Compostela | 13/10/2021 | Actualizada ás 16:30
O Tribunal Supremo confirmou as penas de prisión interpostas pola Audiencia Provincial de Lugo a cinco galegos que en 2010 tentaron introducir en Galicia desde Ecuador media tonelada de cocaína, taxada en 17,8 millóns de euros, oculta en colectores entre peixe conxelado.
En concreto, a Audiencia Provincial de Lugo condenara a 9 anos de prisión a catro deles (R.A.D, B.S.A, S.C.P., e R.C.F.) e a 11 anos de prisión a un quinto, R.G.A., por un delito de tráfico de drogas coa atenuante de dilacións indebidas en todos eles e coa agravante de reincidencia no caso deste último.
Por outra banda, o Supremo estimou parcialmente o recurso de casación interposto por un dos acusados, R.C.F., e desestimou os presentadas polo resto de implicados.
Así, deixou sen efecto a multa de 70 millóns de euros interposta pola Audiencia a cada un dos cinco implicados.
No seu lugar, o tribunal fixou aos condenados dúas penas de multa de 17.841.203, 53 euros (35.682.406 euros), tras estudar e ter en conta o valor taxado da droga intervida.
