Por E.P. | A CORUÑA | 22/10/2021 | Actualizada ás 13:32
O presidente da Deputación da Coruña e alcalde das Pontes, Valentín González Formoso, esixiu que a localidade da que é rexedor e Cerceda teñan "protagonismo absoluto" no Fondo de Transición Xusta para paliar as consecuencias naquelas rexións máis dependentes dos combustibles fósiles.
Fíxoo a preguntas dos medios sobre este asunto, nunha rolda de prensa tras a reunión que mantiveron o xoves o presidente da Xunta, Alberto Núñez Feijóo, e a ministra para a Transición Ecolóxica, Teresa Ribeira.
Formoso aseverou que "non aceptarán" que os fondos se invistan "nunha localidade distinta á que sufriu o impacto". O rexedor asegurou que pedirán unha reunión á Xunta para que non haxa "unha inxustiza" e afirmou que isto era un "aviso a navegantes". O seguinte paso que marcou Formoso é delimitar as zonas das concas afectadas de "maneira consensuada". Para iso faranse novos estudos que se unirán aos xa realizados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.