Unha colisión entre dous vehículos en Santa Comba deixa unha persoa ferida
O sinistro produciuse na AC-546, ao seu paso polo citado municipio, na parroquia de Fontecada. O 112 recibiu o aviso por parte dun particular preto das 15,00 horas.
Por E.P. | SANTIAGO DE COMPOSTELA | 02/11/2021 | Actualizada ás 20:41
Unha persoa resultou ferida e tivo que ser liberada do seu coche tras unha colisión entre dous vehículos rexistrada á altura do municipio de Santa Comba.
O sinistro produciuse na AC-546, ao seu paso polo citado municipio, na parroquia de Fontecada. O 112 recibiu o aviso por parte dun particular preto das 15,00 horas.
Así, deuse aviso ao 061, Garda Civil de Tráfico, á Policía Local, Protección Civil de Santa Comba e aos Bombeiros do municipio, para apoiar os labores de recuperación do ferido.
Unha hora despois, unha persoa tamén tivo que ser trasladada tras unha colisión con tres vehículos implicados en Allariz, sobre as 16,00 horas, na estrada N-525 na entrada ao polígono. A central de Emerxencias informou á Garda Civil de Tráfico e Protección Civil.
