Aprobada a nova PAC na Unión Europea a pesar das críticas dos gandeiros galegos

Os países da Unión Europea adoptaron este xoves a política agraria común (PAC) para o período que se aplicará desde xaneiro de 2023, coa que o bloque quere aumentar a contribución do sector agrario á loita contra o cambio climático e crea un novo modelo de xestión baseado nos plans estratéxicos nacionais.

O proceso de reforma da PAC levou tres anos de traballo entre Estados membros e institucións europeas. O acordo alcanzouse en xuño de 2021 despois de que o Consello e o Parlamento Europeo adoptasen as súas posicións negociadoras nove meses antes.

"Despois de máis de tres anos de traballo duro chegamos finalmente á meta. A nova PAC adoptada hoxe marca un fito na política agraria da UE, apuntando a unha nova fase máis xusta e sustentable para os produtores europeos", sinalou o ministro esloveno de Agricultura, Joze Podgorsek, que ostenta a presidencia rotatoria da UE.

A PAC é a maior partida do orzamento comunitario cunha dotación de 380.000 millóns de euros para o período 2021-2027, A España correspóndenlle uns 37.000 millóns en pagos directos para os agricultores e gandeiros e case 8.000 millóns para desenvolvemento rural durante o sete anos.

Vacas pastando no campo. UNIÓN DE UNIÓNS | Fonte: Europa Press