Falecen outras tres persoas que foran diagnosticadas con COVID

Sanidade notificou o falecemento doutras tres persoas diagnosticadas con covid-19, co que as vítimas por mor desta enfermidade en Galicia ascenden ás 2.681.

En concreto, trátase dun home de 73 anos ingresado no CHUO falecido o 4 de decembro e, xa este domingo, un home de 88 anos hospitalizado no CHUO e unha muller de 93 anos no CHOP.

Segundo indicou o departamento autonómico, todos presentaban patoloxías previas.

Unha persoa recibe a terceira dose da vacina contra o Covid-19, a 19 de novembro de 2021, en Pontevedra.. Beatriz Ciscar - Europa Press