Paro nas estradas: os transportistas galegos irán á folga nos días chave do Nadal

Prevén paralizar o 95% do transporte de mercadorías entre o 20 e o 22 de decembro, con excepcións só para material sanitario e produtos "urxentes"

Por Europa Press / Redacción | SANTIAGO DE COMPOSTELA | 09/12/2021 | Actualizada ás 13:40

Comparte esta noticia

O sector do transporte de mercadorías galego ratifica que a situación os "obriga" a parar os próximos días 20, 21 e 22, cando prevén que en torno ao 95% dos 21.000 camións galegos de servizo público secunden a folga. Nunha convocatoria en Santiago, o portavoz de Fegatramer, Ramón Alonso Fernández, interpretou como unha "provocación" a actitude da actual ministra de Transportes, Raquel Sánchez, xa que había "10 medidas encima da mesa co ministro anterior que esta ministra viu e á parte de non atender ningunha apareceu cunha historia de que ía sacar unha subvención ao gasóleo".

Son 21.000 camións en Galicia de servizo público e tanto esta como o resto de asociacións do sector propoñen "que paren" nas mencionadas xornadas. "Haberá algún de cousas moi urxentes, farmacia e hospitais, que teremos que deixalos pasar (entrega a farmacia ou ao hospital, non o que vén de laboratorio) e parará o 95% da xente se nos fan caso", avanzou este portavoz.

Neste sentido, constatou que teñen "dous problemas que non se van a solucionar fácil", un co Goberno central "que pola pinta non ten ganas de solucionalo" e outro "cos cargadores que algúns se atreven a pedir baixa neste momento" de incremento dos custos. "Isto obríganos a parar", subliñou.

Varios camións circulan por unha estrada, a 12 de novembro de 2021, en Madrid (España). O departamento de Mercadorías do Comité Nacional do Transporte por Estrada (CNTC) declarou dúas xornadas de peche patronal antes de Nadal polo 'estado d. Alberto Ortega - Europa Press
Varios camións circulan por unha estrada, a 12 de novembro de 2021, en Madrid (España). O departamento de Mercadorías do Comité Nacional do Transporte por Estrada (CNTC) declarou dúas xornadas de peche patronal antes de Nadal polo 'estado d. Alberto Ortega - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta