Por E.P. | SANTIAGO DE COMPOSTELA | 21/12/2021 | Actualizada ás 10:07
O Servizo Marítimo da Garda Civil da Coruña interveu 69,5 quilos de centolla no porto coruñés de Caión valorados nuns 1.730 euros no marco dun operativo contra o furtivismo.
Segundo informou o Instituto Armado, os feitos sucederon cando efectivos deste corpo, no marco dun operativo contra o furtivismo dentro da campaña de Nadal, observaron na porta dun galpón do Porto de Caión ao propietario cun carro con rodas e ao seu lado unha bomba de achique.
Por iso, a Garda Civil procedeu á inspección do interior do devandito galpón onde localizaron un bidón de plástico gris cun circuíto de circulación de auga salgada a modo de viveiro en cuxo interior había 41 quilogramos de centola viva que carecía de rastrexabilidade, así como de autorización e número de rexistro sanitario, indicaron as mesmas fontes.
Na mesma noite membros do Servizo Marítimo localizaron dous sacos fondeados con 28,5 quilogramos de centola suxeitos con mosquetóns metálicos a un cabo amarrado a unha embarcación.
Por tales feitos procedeuse á confección de denuncias por supostas infraccións á Lei de Pesca de Galicia pola tenencia e almacenamento de produtos procedentes do marisqueo "sen ningún tipo de rastrexabilidade", matizan as mesmas fontes, e pola tenencia e almacenamento de produtos procedentes do marisqueo "sen autorización", engaden.
A Garda Civil reintegrou as centolas intervidas ao mar ao atoparse vivas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.