Por Europa Press / Redacción | SANTIAGO DE COMPOSTELA | 23/12/2021 | Actualizada ás 10:43
Galicia manterá este xoves unha situación intermedia entre altas e baixas presións, con ceos cubertos e choivas a primeira e a última hora da xornada, e temperaturas máximas en lixeiro descenso.
Segundo a predición de Meteogalicia (dependente da Consellería de Medio Ambiente), o día comezará con choivas que, ao longo da xornada, iranse retirando polo Leste. Así, a tarde prevese con ceos cubertos, especialmente na fachada atlántica e, xa a partir da noite e madrugada, espérase a volta das precipitacións, comezando polo litoral atlántico.
O vento soprará frouxo de compoñente Sur, con intervalos fortes no litoral Oeste pola noite. Con respecto ás temperaturas, non se esperan cambios significativos nas mínimas, e prevese que as máximas experimenten un lixeiro descenso.
Así, os termómetros oscilarán entre os 16 graos de máxima previstos en Ferrol e os 13 graos que se esperan en Santiago ou Lugo. En canto ás mínimas, seguirán sendo altas para a época do ano, e estarán entre os 9 graos previstos en Lugo e os 13 que se esperan en Vigo ou A Coruña.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.