Por fin chega a chuvia no tempo no que ten que haber chuvia
Ceos parcialmente cubertos e posibilidade de choivas débiles no Norte.
Por Europa Press / Redacción | SANTIAGO DE COMPOSTELA | 04/02/2022 | Actualizada ás 10:13
A entrada dunha fronte pouca activo deixará ceos parcialmente cubertos este venres en Galicia, con máis nubes canto máis ao Norte, segundo a previsión de Meteogalicia, organismo dependente da Consellería de Medio Ambiente.
A nebulosidade poderá deixar mesmo precipitacións de carácter débil no Norte do país, mentres que os ventos soprarán de compoñente Norte, frouxos en xeral, e moderados no litoral atlántico.
Con respecto ás temperaturas, as mínimas continuarán sen cambios, e as máximas experimentarán un descenso entre lixeiro e moderado.
Así, os termómetros marcarán valores mínimos que oscilarán entre os 4 ºC de Lugo e os 11 ºC da Coruña, mentres que as temperaturas máximas estarán entre os 14 ºC da Coruña, Lugo ou Santiago, e os 16 ºC de Vigo.
