Consternación en Culleredo polos dous veciños mortos nun accidente en Abegondo
Os dous mozos, condutor e copiloto, perderon a vida nunha saída de vía ocorrida ao redor das 4,00 da madrugada deste domingo na DP-0103, en Abegondo.
Por Europa Press / Redacción | A CORUÑA | 06/02/2022 | Actualizada ás 14:40
O Concello de Abegondo convocou para este luns un minuto de silencio, ás 12,00 do mediodía fronte á casa consistorial, pola morte de dúas dos seus veciños nun accidente de tráfico ocorrido de madrugada en Abegondo.
Ademais, tal e como explica o Concello nun comunicado, as bandeiras municipais ondearán a media hasta en sinal de duelo polo falecemento destes dous mozos, da contorna de 35 anos de idade, naturais da parroquia de Celas.
"Os nosos pensamentos están coa familia e amizades destes mozos. Descansen en paz", expresa o goberno local.
Os dous mozos, condutor e copiloto, perderon a vida nunha saída de vía ocorrida ao redor das 4,00 da madrugada deste domingo na DP-0103, en Abegondo. Unha terceira persoa que viaxaba na parte traseira resultou ferida de consideración.
