Por E.P. | Santiago de Compostela | 10/02/2022 | Actualizada ás 18:25
O Tribunal Superior de Xustiza de Galicia (TSXG) tombou a petición da formación política de ultradereita Vox de suspender a orde ditada pola Xunta o 30 de decembro de 2021 na que se establecían restricións para facer fronte á pandemia como o certificado covid na hostalaría ou o toque de queda entre as 03,00 e as 06,00 horas da madrugada.
A decisión do Alto Tribunal galego foi comunicado este xoves e aséntase en que a orde impugnada polo partido que lidera Santiago Abascal expirou o pasado 18 de xaneiro, data na que quedaron sen efecto as medidas impostas na resolución publicada no Diario Oficial de Galicia (DOG) nos últimos días do pasado ano.
Os maxistrados inciden no seu fallo, contra o que cabe recurso de reposición, que a carencia sobrevinda de obxecto leva á terminación do incidente cautelar.
O recurso foi presentado a comezos de xaneiro polo presidente provincial en Pontevedra de Vox, Álvaro Díaz-Mella, e argumentaba que a orde "vulnera os dereitos fundamentais recoñecidos nos artigos 14, á igualdade; 18.1, á intimidade; e 19, á liberdade de circulación; da Constitución Española (CE), todos eles dereitos amparados a través do artigo 53.2".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.