Alertan desde a Deputación da Coruña por un intento de fraude que afecta ao servizo de Teleasistencia
Segundo informou o organismo provincial nun comunicado, nas últimas horas detectáronse chamadas a persoas maiores en distintos concellos da Coruña preguntando se dispoñen de Teleasistencia e solicitando datos bancarios para o cobro de gastos ou cotas.
Por E.P. | SANTIAGO DE COMPOSTELA | 22/02/2022 | Actualizada ás 19:31
A Deputación da Coruña advirte dun intento de fraude relacionada coa Teleasistencia. A institución lembra aos usuarios que se trata dun servizo gratuíto e pide que non faciliten ningún tipo de información bancaria por teléfono.
Segundo informou o organismo provincial nun comunicado, nas últimas horas detectáronse chamadas a persoas maiores en distintos concellos da Coruña preguntando se dispoñen de Teleasistencia e solicitando datos bancarios para o cobro de gastos ou cotas.
A Deputación aclarou que se trata dun intento de fraude xa que é un servizo totalmente gratuíto. A institución pediu aos usuarios que non faciliten información bancaria por teléfono e que, no caso de recibir estas chamadas, dean aviso á central a través o botón vermello.
