Galicia aposta polo negocio deportivo: hai un por cada 1.440 persoas

Por cada 1.440 galegos hai un negocio deportivo en toda Galicia. En especial, destaca A Coruña, xa que ocupa o oitavo posto de afición deportiva nesta clasificación deportiva por provincias e comunidades autónomas.

Son datos extraídos por esta guía tras analizar os informes do INE "Empresas por CCAA, actividade principal e estrato de asalariados" e "Locais por provincia, actividade principal e estarto de asalariados", así como o "Anuario de Estatísticas Deportivas 2021" do Ministerio de Cultura e Deporte.

Na provincia da Coruña hai rexistradas un número que rolda as 874 empresas deportivas. Os datos recollen as empresas de xestión de instalacións deportivas, ximnasios, clubs e outras actividades deportivas segundo o epígrafe 931 da CNAE e non inclúen os establecementos de venda polo miúdo de equipamento deportivo.  

En total, e segundo estes estudos, o mercado do deporte na Coruña rolda os 68,21 millóns de euros nas actividades descritas con anterioridade. Non obstante, según os estudos oficiais, si é posible estimar que o mercado da venda polo miúdo de equipamento deportivo - roupa, calzado, materiais utilizados nas distintas disciplinas- rolda na Coruña os 22,18 millóns de euros.

RESTO DA COMUNIDADE

Pontevedra ocupa o décimo posto da clasificación e hai un negocio deportivo por cada 1.316 persoas. O seu mercado rolda os 57,37 millóns de euros que se traduce en 18,65 millóns de euros en equipamento deportivo.

Por outra banda, Lugo está no posto 19 da clasificación e por cada 1.442 persoas existe un negocio deportivo. O seu valor de mercado rolda os 19,80 millóns de euros, dos cales 6,44 millóns invírtense en material deportivos.

Por último, Ourense ocupa a posición 39 da mesma e hai un negocio deportivo por cada 1724 persoas. O mercado do deporte en Ourense está nos 18,52 millóns de euros nas actividades descritas con anterioridade, e en canto aos materiais deportivos destina 6,02 millóns de euros.