Por E.P. | SANTIAGO DE COMPOSTELA | 27/02/2022 | Actualizada ás 19:00
A Xunta destina medio millón de euros a mellorar o equipamento das instalacións e locais dos concellos destinados a actividades de carácter cultural como bibliotecas e arquivos do rural.
Segundo sinalou a Consellería de Cultura, Educación e Universidade nunha nota de prensa, ata o 10 de marzo, os concellos poden optar a esta nova convocatoria de axudas para "impulsar obras de reforma ou comprar materiais que permitan manter a súa programación".
O obxectivo desta iniciativa é dotar dos medios necesarios aos municipios para que "poidan executar as súas programacións culturais", así como contar coas "infraestruturas actualizadas e equipadas" e garantir "o acceso á cultura tanto nos ámbitos rurais como urbanos".
O departamento que dirixe Román Rodríguez explicou que se poderán beneficiar deste programa aqueles concellos que "sexan titulares dos locais culturais para os que se solicitan as axudas" e que conten cunha programación cultural "estable" ao longo do ano.
Ademais, tamén poden solicitar estas subvenciones agrupacións de concellos que deberán xestionar o servizo de forma conxunta.
A axuda máxima por entidade local beneficiaria será de 30.000 euros e non poderá exceder do 90% do orzamento total do proxecto subvencionable. Este importe ascenderá a 35.000 euros cando se trate de solicitudes realizadas por agrupacións de concellos.
A Consellería destacou que o pasado ano, ao amparo desta liña de axudas "facilitáronse melloras en 43 concellos" coa finalidade de estender a actividade cultural e mellorar as infraestruturas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.