Falece a 'princesa da Coruña' en París aos 83 anos

Micaela Cousiño, de ascendencia galega, era condesa de París dende 1999. Proviña dunha acaudalada familia instalada en Chile pero con orixes coruñesas.

Por Galicia Confidencial | SANTIAGO DE COMPOSTELA | 15/03/2022 | Actualizada ás 20:00

Comparte esta noticia

O pasado luns 14 deixou unha nova que de seguro pasou desapercibida sobre a maior parte dos galegos: faleceu unha desas eternas princesas da realeza distante, muller do difunto conde de París. A princesa Micaela, contan dende a web francesa Histoires Royales, nacera en 1939 e finou con 83 anos por causas non espeficadas este pasado luns. O interese da historia é que esta muller de sangue azul tiña orixes galegas.

Micaela Cousiño, a 'princesa da Coruña'/Nicolas Briquet/ABACAPRESS.COM
Micaela Cousiño, a 'princesa da Coruña'/Nicolas Briquet/ABACAPRESS.COM

Así o relatan dende a publicación francesa nunha reducida nota, apuntando que Micaela Cousiño foi filla de Luis Maximiliano Cousiño. As raíces da familia pérdense no tempo, pero quedan claro dúas cousas: que se tratou dunha liñaxe acaudalada e que, malia ser orixinarios da Coruña, viviron durante séculos en Chile, moi probablemente como parte do éxodo migratorio sostido durante séculos en Galicia. 

Segundo destacan na publicación realista francesa, a familia Cousiño marchou para Chile no século XVIII. Alí atoparon prata, instauraron varias industrias e fixéronse ricos. "O bisavó de Micaela foi deputado e o seu tataravó foi senador", inciden. Parece ser tamén que o 'palacio Cousiño' de Santiago de Chile foi o primeiro edificio de Sudamérica en ter enerxía eléctrica. 

 

De acordo coas mesmas fontes, a princesa Cousiño fixo carreira en Madrid e París, exercendo nunha axencia de prensa e na edición. De 1978 a 1981 estivo a cargo da comunicación dentro do francés Ministerio do Orzamento, durante o mandato de  Raymond Varre. De 1961 a 1966 estivo casada con Jean-Robert  Boeuf, con quen ten un fillo, Alexis Francis- Boeuf .

 

Foi polo 74 cando coñeceu ao tamén Príncipe Henri d' Orléans, fillo maior do Conde de París. Casaron polo civil no 84 e outra vez --xa pola Igrexa-- en 2009. Á morte do pai de Henri, en 2009, este trocou en Conde de París, e Cousiño en Condesa; título que ostendou até a súa morte. O home morrera en 2019 aos 85 anos. Segundo explican dende a publicación francesa, a princesa de orixe herculina levou "unha vida discreta" até a súa morte o pasado luns.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta