(Vídeo) "Hai estantes desertos": o impacto do paro do transporte nos supermercados

A folga indefinida do transporte convocada o pasado día 14 pola plataforma de Defensa do Transporte de Mercadorías preocupa á cidadania galega xa que está a provocar escaseza nos supermercados

Esta situación está a repercutir en pescadores, gandeiros e produtores e exportadores de froitas e hortalizas que advirten de que se verán obrigados a paralizar a produción se a situación non cesa, agravando a falta de produtos nos estantes dos supermercados.

Esta situación tamén xerou alarmismo entre algunhas persoas, que compran de forma desproporcionada para almacenar as reservas de alimentos nas súas casas.

Aínda que a plataforma convocante é unha asociación con pouca representación no sector, acadou unha gran mobilización a través das redes sociais. Alguns transportistas non apoian a folga pero pararon por medo, coaccionados polos piquetes.