Por E.P. | A CORUÑA | 28/03/2022 | Actualizada ás 16:43
A área de Cultura da Deputación da Coruña puxo en marcha as Residencias Artísticas Mariñán, "unha aposta por promover a creación en galego, cunha visión contemporánea e consciente, que terá neste 2022 a produción musical e literaria como principal motivo".
Así o apunta o deputado de Cultura, Xurxo Couto, que asegura que supón "un formato único e moi novo para aproveitar un espazo singular como é Mariñán e polo ao servizo de procesos de creación artística".
Xurxo Couto incide ademais en que "esta nova iniciativa está concibida para dar cabida a toda a diversidade cultural do momento, polo que estamos a falar de convocatorias abertas e cunhas bases que permiten a concorrencia de todo o tecido creativo que temos no país".
Desde hoxe, 28 de marzo e ata o 19 de abril, permanece aberto o prazo de solicitudes para que bandas ou artistas presenten propostas para participar nas residencias dedicadas á produción musical. Ao amparo desta convocatoria, seleccionaranse catro proxectos do ámbito musical para desenvolver a súa residencia creativa no Pazo de Mariñán.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.