Ferido grave un home tras ser atropelado por unha furgoneta en Porto do Son

Un home resultou ferido de gravidade este luns ao ser atropelado por unha furgoneta no peirao da localidade coruñesa de Porto do Son.

Segundo informou o 112 Galicia, a alerta recibiuse sobre as 14,15 horas deste luns. Foi o propio condutor da furgoneta o que sinalou que golpeara unha persoa mentres daba marcha atrás.

Inmediatamente púxose en marcha un operativo formado por Protección Civil, Policía Local e Garda Civil. Tamén foi mobilizado o helicóptero medicalizado do 061 con base en Santiago, que trasladou ao ferido a un centro hospitalario.

Accidente en Porto do Son.. @HELICOSANTIAGO | Fonte: Europa Press