Por Europa Press / Redacción | A CORUÑA | 22/06/2022 | Actualizada ás 13:00
Os sindicatos UGT e CCOO alcanzaron un preacordo para renovar o convenio de hostalaría da provincia da Coruña que terá unha vixencia de tres anos, desde o 2022 ao 2024.
Segundo informan, na reunión de mediación celebrada polo Consello Galego de Relacións Laborais acordáronse en material laboral e salarial cuestións que afectarán a máis de 20.000 persoas traballadoras na provincia da Coruña.
"Convenio que será de aplicación para a hostalaría e os hoteis da provincia", explican. Tamén apuntan que suporá subida salarial dun 11,75% nos tres anos de vixencia, así como unha clausula de actualización que actuará ao final de este dependendo do IPC que se acumule neste tres anos.
O preacordo que adapta a ultraactividade do convenio á lexislación actual contén tamén outras reivindicacións da parte social, como a regulación dos fixos descontinuos, os cales terán un período mínimo de chamamento de cinco meses, un chamamento con 15 días mínimo de antelación e a consolidación do 50% da xornada que supere o cinco meses nun período de dous anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.