Acusan a Zara en Israel de apoloxía do Holocausto
A franquicia de Inditex ten que retirar unha camiseta tras recibir críticas polo seu suposto parecido con vestimenta dos campos de concentración.
Por Galicia Confidencial | Madrid | 27/08/2014 | Actualizada ás 17:03
Unha camiseta para bebés con finas raias azuis horizontais e unha estrela dourada de seis puntas no peito. Esa era un dos deseños que a tenda Zara puxo no mercado.
Pero, a traxectoria desta peza será moi curta. Pouco despois de expoñela nos escaparates, asociacións israelís denunciaban a súa semellanza coas prendas que os xudeus levaban nos campos de concentración nazis e reclamaron a súa retirada.
Por iso, Zara decidiu retirala do mercado. Pero, segundo recollen varios medios, a filial de Inditex quere destacar que para nada tiña que ver co Holocausto, senón que a camisola está inspirada nas películas do Oeste. As raias son horizontais e non as verticais usadas nos campos de concentración e na prenda pódese ler a palabra 'shériff' dentro da estrela, que os medios israelís asocian á estrela de David.
Zara conta con 22 tendas en Israel, mentres que o grupo ten no país un total de 55 establecementos das diferentes marcas da compañía, segundo datos de 30 de abril deste ano.
