Rescatado un home tras caer por un noiro de catro metros na liña de tren en Ourense

Un home necesitou ser rescatado tras caer na tarde do martes por un noiro de catro metros na liña férrea en Ourense, segundo informa o 112 Galicia.

Os membros do Servizo de Prevención, Extinción de Incendios e Salvamento de Ourense tiveron que utilizar unha padiola para rescatar ao home debido á irregular superficie do terreo. Para o operativo, foi necesario interromper o tráfico de trens nun sentido da circulación, á altura do lugar da Cuña de Arriba.

A alerta ao 112 produciuse sobre as 20,00 horas do martes. Foron avisados, entre outros, 061, Adif, Policía Nacional, Policía Local e Bombeiros de Ourense.

Vía do tren Ourense-Monforte. ADIF