Detido o agresor dun menor mentres tocaba o Combo Dominicano na Festa do Albariño
O mozo foi atendido das feridas sufridas no centro de saúde da localidade.
Por Europa Press / Redacción | SANTIAGO DE COMPOSTELA | 03/08/2022 | Actualizada ás 13:42
A Garda Civil investiga un altercado que tivo lugar a pasada madrugada no marco da Festa do Albariño, en Cambados, onde un menor resultou ferido tras sufrir unha suposta agresión cunha botella de vidro por parte dun home, que foi detido.
Fontes da Garda Civil consultadas por Europa Press confirmaron que hai unha investigación aberta en relación aos feitos rexistrados sobre as 3,20 horas deste mércores en Cambados, onde había un concerto do Combo Dominicano. A agresión produciuse, segundo as fontes consultadas por Europa Press, en plena rúa.
Axentes da Policía Local efectuaron a detención do presunto autor da agresión, que foi conducido ás dependencias da Garda Civil en Cambados e que quedou en liberdade á espera de ser requirido pola autoridade xudicial.
A VÍTIMA, FÓRA DE PERIGO
A vítima foi atendida no centro de saúde da localidade e, segundo puido saber Europa Press, as feridas que recibiu non revisten unha gran gravidade. De feito, na mañá deste martes procedeu a interpor unha denuncia polas lesións sufridas.
