O conselleiro de Sanidade avisa: "Hai que vacinarse da Covid"

O conselleiro de Sanidade, Julio García Comesaña, fixo un chamamento os que non se vacinaron aínda pola Covid-19 a que o fagan, pese ao "pequeno respiro" que, segundo dixo, está a detectarse en relación aos ingresos hospitalarios.

"Levamos practicamente desde principio de ano nun nivel de ocupación asistencial realmente alto, especialmente na Coruña", expuxo sobre a tónica destes meses e, en particular, sobre a área sanitaria coruñesa.

Con todo, destacou que "nas últimas semanas" ese número "baixou". Aínda así, insistiu en que a pandemia "non terminou". "Segue aí, aínda que cunha situación máis relaxada".

Por iso, instou a vacinarse a aquelas persoas que "non o fixesen". Mentres, preguntado polo inicio do curso escolar e se haberá algunha medida específica, apuntou que non haberá "novidade", máis que as medidas "xerais".

Unha nena prepárase para ser vacinada contra a Covid-19 no recinto feiral de Expourense / Rosa Veiga - Europa Press. / Europa Press