Por Europa Press / Redacción | SANTIAGO DE COMPOSTELA | 08/09/2022 | Actualizada ás 19:04
A iniciativa cultural Conecta Lab, que proxecta un centro de 'networking' e residencia artística para creadores audiovisuais na illa de San Simón (Pontevedra), recibiu unha subvención europea de máis de 180.000 euros.
Esta iniciativa, que desenvolve a asociación CREA co apoio da Deputación de Pontevedra, recibiu apoio na convocatoria da Dirección Xeral do Instituto da Cinematografía e das Artes Audiovisuais nas axudas correspondentes a laboratorios e incubadora de creación e desenvolvemento de proxectos.
O proxecto foi o mellor valorado en Galicia, con 69,8 puntos, e situouse ao nivel de propostas de festivais tan potentes como os de San Sebastián (77,2) e Sitges (72,5). De tal forma, a actividade foi unha das 49 seleccionadas entre as 127 que solicitaron axudas para laboratorios e incubadoras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.