Por Europa Press / Redacción | OURENSE | 13/09/2022 | Actualizada ás 19:19
Renfe pon en circulación, desde este martes, dúas frecuencias diarias AVE transversais (unha por sentido) para viaxar entre Ourense e Alacante de forma directa, sen ter que facer transbordo de estación en Madrid.
Así, o tren con saída de Ourense ás 16,25 horas prolonga o seu percorrido ata Alacante, onde chega ás 21,21 horas. En sentido inverso, o AVE sae de Alacante ás 7,10 horas e chega a Ourense ás 12,20 horas, con cinco minutos de diferenza con respecto ao seu horario habitual.
Deste xeito, o tempo de viaxe será de 4 horas e 56 minutos, mentres que o mellor tempo con transbordo desde a estación de Chamartín-Clara Campoamor á de Madrid-Atocha é de 5 horas e 29 minutos.
Mentres, en sentido Alacante-Ourense, o mellor tempo de viaxe actual (con transbordo) é de 6 horas e 10 minutos, mentres que co AVE directo poderá facerse a viaxe en 5 horas e 10 minutos.
Entre hoxe e ata o próximo 31 de outubro Renfe xa vendeu máis de 17.800 billetes para estes servizos. Os billetes para o AVE directo entre Ourense e Alacante están á venda nas canles habituais: despachos de billetes das estacións, 'app' de Renfe, no teléfono 912 320 320, máquinas autoventa e en renfe.com.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.