Morre outro obreiro da construción nun accidente en Poio
Sufiru unha caída na obra na que traballaba.
Por Europa Press / Redacción | PONTEVEDRA | 23/09/2022 | Actualizada ás 14:09
Un operario faleceu este venres no municipio pontevedrés de Poio tras sufrir unha caída de altura cando traballaba nunha obra, concretamente na parroquia de Combarro. É o segundo incidente nunha obra nos últimos días.
Segundo informou o 112, o home, que se precipitou desde un primeiro piso, faleceu sen que os profesionais sanitarios alí desprazados puidesen facer nada pola súa vida.
Ao lugar do accidente, Chancelas, tamén se desprazaron os axentes da Garda Civil co fin de coñecer as circunstancias nas que se produciu o suceso, que tivo lugar ao redor das 12,00 horas. Ademais, desde o 112 solicitouse a colaboración dos axentes da Policía Local e dos efectivos de Protección Civil da localidade.
