Prisión provisional comunicada e sen fianza para dous detidos na operación antidroga en Arousa
Por Europa Press / Redacción | SANTIAGO DE COMPOSTELA | 07/10/2022 | Actualizada ás 20:10
O Xulgado de Instrución número 2 de Vilagarcía de Arousa acordou prisión provisional comunicada e sen fianza para dúas dos tidos na nova operación contra a droga que levou a cabo en varias localidades de Arousa o pasado mércores.
Fontes do Tribunal Superior de Xustiza de Galicia (TSXG) confirmaron que S.T e R.D. están investigados por presunto delito contra a saúde pública e pertenza a grupo/organización criminal e para eles decretouse o seu ingreso en prisión comunicada e sen fianza.
Pola súa banda, para os outros dous, L.P e R.B, decretouse liberdade con comparecencias mensuais, retirada do pasaporte e prohibición de saída do territorio estatal. Están investigados polos mesmos delitos que os outros dous arrestados.
O operativo, que polo menos incluíu o rexistro dunha vivenda en Cambados, estivo coordinado pola Garda Civil e Policía Nacional. No dispositivo participaron varios medios, entre eles, un helicóptero.
