Incéndiase un piso en Ferrol, pero en cuxo interior non había ningunha persoa
Por E.P. | SANTIAGO DE COMPOSTELA | 04/11/2022 | Actualizada ás 20:22
Os membros do Servizo de Prevención, Extinción de Incendios e Salvamento de Ferrol desprazáronse á parroquia de Serantes para sufocar un incendio declarado nun piso.
A alerta do incendio rexistrouse no 112 Galicia ás 12,30 horas deste venres. Segundo indicaron varias persoas particulares aos xestores do Centro Integrado de Atención ás Emerxencias 112 Galicia, saía fume pola xanela dun piso e podía haber persoas atrapadas no interior.
Con estes datos, o 112 Galicia solicitou a intervención de Urxencias Sanitarias de Galicia-061, dos Bombeiros de Ferrol e dos axentes da Policía Nacional e Local. Tras finalizar a súa intervención, os Bombeiros confirmaron ao 112 Galicia que ningunha persoa estaba no interior do piso e indicaron tamén que a vivenda ardera por completo.
